e=”clear: both”>Unha das cousas máis escoitadas no mundo do social media é que… é unha burbulla. O recente auxe do medios sociais, froito do imparable avance do mundo web e a intanxible e sempre presente necesidade comunicativa humana foron quen de formar unha nova profesión, a cabalo entre o mundo da comunicación, as relacións públicas e a informática, como é a do Community Manager.

Sei que a moitos lles asusta empregar esta palabra, e provoca rexeite. É un debate cíclico, próximo ao ovo e á galiña… non vou a entrar nel. É una realidade e está aí, aínda que ten moito que madurar.

Coma todo campo de recente creación, é moi posible que se den as circunstancias adecuadas para a creación dunha burbulla… unha profesión non definida, inexistencia de titulacións (sobre todo nun país coma o noso!), clientelismo empresarial…

Non é momento de falar de cómo superar algúns dos puntos anteriores (moi críticos, tamén hai que dicilo), pero co paso dos meses, vexo claramente unha tendencia de especialización entre dous tipos de Social Media

  • Venta
  • Atención ao cliente

Tradicionalmente podería estar relacionada coa separación entre administración pública e empresa privada, supoño que pola miña experiencia no primeiro sector. Pero non ten por qué ser así. Na empresa privada tamén hai atención ao cliente. É máis, a venta e a atención ao cliente están ligadas temporalmente, poden ata ser diferentes caras dunha mesma moeda.

Pero creo que chegará o momento no que haxa traballadores do Social Media máis enfocados cara a venta ou produto, por un lado, e atención ao cliente ou servizo postventa (malchamado… este tamén pode ser pre-venta) ou cliente.

E vós? Cómo o vedes?