Moita xente asómbrase de que “esté traballando con dous ordenadores ao mesmo tempo”. Asómbrame cómo pode haber tanta xente que pense iso, así que aquí vai a sinxela explicación:
O modo “escritorio estendido”
E os pasos son moi sinxelos

a) conectar o monitor ao ordenador

b)Preferencias de sistema > pantallas

Aquí podemos escoller a ubicación da nosa pantalla supletoria (movéndoa arredor da principal) e, se nos fixamos na pequena barra superior da pantalla principal, poderemos movela para determinar cal é o monitor principal.

no meu caso, o monitor principal é un monitor de 22″, e o supletorio é a pantalla do macbook de 13″

doblepantalla thumb11Saiban vostedes que, se teñen un iPad, tamén hai opcións para sumar esa pantalla de 10 polgadas como supletoria da pantalla principal.

Ah, e non marcar a casiña de pantallas duplicadas.

PD: ollo con traballar con determinados programas a dúas pantallas, xa que cando desconectes o monitor secundario, poden seguir crendo que están “no outro monitor” e non os verás abertos (sucede, por exemplo, con Premiere CS4)

  • Para WIN

Normalmente, as preferencias da tarxeta gráfica permiten este tipo de opcións. Basta con facer clic co botón secundario no escritorio, ir ao panel de preferencias e buscar a configuración da pantalla (non salvapantallas) para levar adiante esta configuración.
Senón, podedes probar co panel de control. A vosa tarxeta gráfica terá algún apartado para poder cambiar as opcións de visualización.

As vantaxes de traballar con dous monitres son máis que evidentes: follas de estilo a un lado, previsualización a outro… paneis de ferramentas a un lado, obxecto a editar no outro…. texto en word aberto a un lado e ao outro… o que queirades imaxinar.

E veredes como a vosa produtividade aumenta da mesma maneira que aumenta ao utilizar atallos de teclado no canto de usar o rato para algunhas tarefas rutinarias.


2 respostas

  1. Dependendo do tipo de traballo que fagas existe unha posibilidade adicional que é a de rotar un dos monitores 90º para poder ter unha visualización vertical dos documentos, moito máis natural. Pero depende do tipo de monitor que teñas e que sexa fácil colocalo nesa posición.

    No meu caso traballar co monitor en vertical supón ver os documentos sen ter que desplazalos.

    1. Tes toda a razón, Dorfun!
      Esa posición co monitor xirado 90º disque tamén é moi boa para programadores e xente que “pica código” en xeral.
      Sobre o tipo de monitor, supoño que te refires aos monitores panorámicos actuais, xa que os que había hai 8-10 anos case eran tan altos coma anchos ;)