Si, a profesión de moda tamén ten malos ratos. Coma calquera outra, en realidade.
Hoxe vou a falarvos de cousas que realmente exasperan nesta profesión:

  • Pasar desapercibido
  • Un troll

Pasar desapercibido supón unha impotencia considerable. Coma cando es pequeno e queres chegar ao algo dun estante ao que non podes. Ou mellor, como cando es pequeno e queres meterne nas conversas dos maiores, pero… non che fan caso.
Porque deso se trata: de que as redes sociais son un patio de veciños no que podes falar con moita xente.

Ás veces pasa. Ás veces temos un produto bo, incluso cres no teu produto (non todo o mundo o fai) pero ninguén che fai nin caso. Claramente, algo está a fallar.
Pode que escolleras mal as redes sociais (por exemplo, tuenti para contactos sobre empresas de
radiocomunicacións…) ou que non te dirixas ao teu público (utilizando unha lingua que non é a idónea, unha linguaxe distendida cando había de ser seria…)
Poden suceder moitas cousas, pero algo está a fallar na estratexia comunicativa. Analízao. Pide consello (incluso ás veces, ata pode ser gratis!) e toma unha decisión. Pero sobre todo, cambia o rumbo.

Outras veces o que desexarías é pasar desapercibido. Iso é o que sucede cando aparece un troll. Poderíamos falar durante horas sobre a definición deste concepto, pero a wikipedia posúe unha definición e clasificación perfectamente válida para o que trataremos hoxe.

Hai moita xente á que lle “resbala” o feito de que alguén trollee pola rede, se ben a maior parte dos usuarios non están pola labor de tolerar este tipo de condutas. A posi
ción do xestor de comunidades online pode ser mesmo complexa, xa que a empatía que o ten de caracterizar non debe xogar un papel conciliador con este tipo de personaxes.

Por outra banda, é preciso apagar rápido os lumes antes de que espanten á comunidade que xestionas…

Eis aquí dous consellos:

1.- Tantea para asegurarte
Cando algunha publicación pode parecer dun troll e non estás seguro, trata de contestar e argumentar a túa resposta de maneira sinxela e educada.
Podes facer uso de frases sinxelas, utilizar emoticonos, xogos de palabras – sinxelos – para comprobar que esa persoa ten un problema ou é o problema.
Ás veces (poucas) trátase de malos entendidos que se poden solucionar axiña.

Imagen de Emezeta.com


2.- Don’t feed the troll
Os trolls aliméntanse das respostas e da mala baba que xeneran as respostas dos demáis. Calquera estado angustiado, deprimido ou carácter irascible, xunto ao “anonimato” que proporciona internet é unha boa combinación para que aparezan estes individuos. Para colmo, se un destes indivíduos é de “dedo fácil”, xa non fai falla falar máis: un cócktail exposivo!

Ás veces é difícil non entrar ao trapo cun troll. Pídecho o corpo, porque cres que estás en condicións de taparlle a boca con bos argumentos. Craso erro.
Nunca alimentes ao troll.
Non poderás taparlle a boca porque tratará de revolver as túas palabras na túa contra, ou no seu favor. Ou comezará a utilizar insultos.

Incluso ignorándoos, é posible que o troll busque aliados, amigos ou xente discordante que aproveite a debilidade da túa comunidade para atacarte.
É o paso seguinte: se o troll non consegue nada berrando, veremos que pasa se berran varias persoas.
Un troll debería morrer polo seu propio peso, aínda que non sempre é así.

En realidade, non hai unha solución eficaz, pero si que hai algo que non se debe facer, e é entrar ao trapo con eles.

A aparición de trolls é moi habitual en blogues, foros e, agora sobre todo, redes sociais. Exemplos claros son as grandes compañías de telefonía móbil (non vou a enlazalas) nas redes sociais, pero calquera grande empresa pode ser víctima da ira destes personaxes.

Tamén a administración pública ve na súa representación das redes sociais unha fonte de descarga de frustración para estes usuarios; ben sexan usuarios finais decontentos ou empresas intermediarias de servizos que – por motivos económicos, políticos… – xa non teñen vinculación contractual coa administración en cuestión.

Se che interesa o tema, podes ler un artigo ben interesante neste foro