Esta semana lía en varios blogs sobre este tema (por exemplo, aquí). Estudos afirman que a personalización dos entornos de venda 2.0 se consolidarán en 2013.
Sempre fuxín deste tipo de afirmacións tan categóricas, faltas – nas máis das veces – dun rigor que brilla pola súa ausencia neste tipo de discursos.
Sen embargo, sobre este tema veño reflexionando dende hai un tempo, a propósito dos diferentes CMS que existen para tendas online e a súa vinculación co universo social media.
As compras, ben sexan online ou offline, seguen, esencialmente, os mesmos pasos: unha persoa precisa dun produto ou servizo, búscao, asesórase e, se lle compensan os beneficios que pode obter del, está disposta a entregar unha cantidade de diñeiro. Creo que esto sempre será así, e a clave – e o que diferencia o online do offline, está no proceso de asesoramento.
É por iso polo que se fala das compras INline (no blog de Enrique Dans atoparás info sobre isto): persoas que buscan información por súa conta, a amigos, en foros, a outros usuarios do produto/servizo… e finalmente deciden mercalo na web. Iso sucede. Cada día con máis frecuencia.
De feito, é unha evolución lóxica. Acaso cando imos de viaxe non buscamos lugares de hospedaxe, comida, cousas que facer no lugar de destino…. con anterioridade? E Internet non é unha boa fonte de información para iso?
Cando mercamos un produto dun valor elevado (por exemplo, un coche)… non preguntamos a familiares ou amigos que teñen o mesmo produto, ou buscamos en foros a usuarios que teñen ou tiveron ese mesmo produto?
A clave do futuro está en integrar esas experiencias, informacións de primeira man, tips, consellos… no proceso de compra online.
Si, xa sei que esas recomendacións existen… pero a predisposición á compra medra conforme a máis personalizada é esa recomendación que nos fan sobre o produto/servizo. Adoitamos facer máis caso á experiencia de uso dun familiar cun vehículo que ao que lle puido pasar a un usuario descoñecido nun foro con respecto a ese vehículo.
Neste punto poderíamos ter en conta algunhas cuestións técnicas como os algoritmos de recomendación: deberían ter estas percepcións en conta?
Cómo faríamos para “personalizar” aínda máis as recomendacións: obrigando ao non-anonimato das mesmas? Indicado a través dun índice de reputación online ou un grao de fiabilidade da recomendación?
2013 pode ser o ano da compra social, ou non, pero o que está claro que é que no social marketing as cousas non paran de moverse.