No mundo dixital en constante evolución, e sobre todo despois do impacto da IA xenerativa, manter un sitio web actualizado e atractivo é esencial. Aínda que xa levaba meses querendo facer un redeseño da miña web, non foi ata comezos de 2025 cando me arremanguei.
Levo anos impartido cursos sobre IA xenerativa (sobre todo para a docencia e para a investigación), pero para a miña sorpresa, esta nova fornada de ferramentas de IA converteuse na miña mellor aliado. Aquí comparto algúnhas pinceladas de como a IA me axudou en varias tarefas clave deste proxecto:
Pulir textos
A primeira impresión dos visitantes a miúdo baséase nos textos do sitio web. Utilicei ferramentas de IA para revisar gramaticalmente e estilisticamente o contido, asegurando sobre todo que as miñas ideas quedasen perfectamente alineadas. A IA suxeriu melloras en termos de claridade, coherencia e cohesión na presentación dos (poucos) textos novos que elaborei
Deseño de imaxes sintéticas
No mundo visual actual, as imaxes atractivas son esenciais. A IA facilitoume a creación de visuais orixinais sen necesidade de acudir a bancos de imaxes ou contratar unha deseñadora ou fotógrafa profesional. Seguirán tendo o seu traballo, claro, so que eu non son o seu público obxectivo.
Borrado de Fondos
A edición de imaxes require tempo, especialmente cando se trata de borrar fondos. Grazas á IA, este proceso converteuse nunha tarefa sinxela e rápida. A tecnoloxía permitiume extraer elementos clave das imaxes e colocalos en novos contextos sen esforzo.
Selección de Cores
A paleta de cores é fundamental para a identidade visual dun sitio web. Utilicei ferramentas de IA para extraer cores e poder darlle maior coherencia ao meu sitio web.
Construción de Plugins
Un dos desafíos máis interesantes foi desenvolver un plugin que conectase Google Scholar co meu sitio web. Coa axuda da IA, puiden construír un plugin funcional que integra publicacións académicas e actualizacións directamente na miña plataforma, mellorando a experiencia do usuario e mantendo o contido sempre actualizado. Esta, sen dúbida, foi o punto de inflexión, o que realmente me demostrou o potencial da “IA axéntica” que se supón será o futuro desta tecnoloxía.
E si, esta entrada tamén está asistida por IA. Nin o nego, nin me escondo. Interésanche os prompts ou as ferramentas? Pois dimo, que pode ser unha futura actualización do meu blog.