Aplicacións, trebellos e servizos que descubrín en 2021 e mereceron a pena. E outros que non.

Si, esta é outra lista máis de produtos e servizos que marcaron o 2021. Pero é a miña lista.

Servizos

Aluguer de tecnoloxía con Grover.

Este verán descubrín o alugueiro de tecnoloxía con Grover. é un servizo que che permite empregar tecnoloxía de consumo de última xeración durante un tempo determinado. Se non tes presa polo produto, podes coller ofertas moi, moi xeitosas. Eu dei o salto ao apple watch series 6 por pouco máis de 12 euros mensuais.

Se che interesa probalo, déixoche unha ligazón de afiliados. Rexistrándote con ela, terás de balde o primeiro mes dun alugueiro de tres meses ou máis, e eu tamén terei outro mes de balde.

Notion

Este servizo de notas (e moito máis) non o descubrín este ano, é certo, pero non foi ata este ano que lle comecei a sacar partido. Sempre me pareceu moi limitado na súa versión gratuíta, pero lin que ampliara os límites e pareceume que era o momento de probala en profundidade. De feito, descubrín que hai un plan para educación e a versión de pago máis económica… sae de balde.

Uso esta app para crear documentos que podo compartir facilmente cunha url. E non, non se parece en nada a Google Drive. Mirade, esta é unha práctica de AppInventor que emprego nas aulas, e está dispoñible en Notion.

Apple Music

Na cultura de compartir suscricións, deille unha oportunidade ao servizo de streaming de apple e, desde que o probei en primavera, so me dá alegrías. Deixei de pagar o premium de Spotify, de quen so boto de menos a lista de reprodución personalizada semanal, e para iso podo seguir empregando a versión de balde.

Mover as listas de reprodución e favoritos de Spotify a Apple Music foi moi sinxelo cunha aplicación para móbil, apenas perdín unha ou dúas cancións coa migración (o catálogo é amplísimo). Ademais, shazam intégrase moi ben co servizo de música de Apple e as cancións etiquetadas que me gustan xa van directas a unha lista de reprodución.

E a finais de ano lanzaron o audio sen pérdida… que combinado co audio espacial, fixeron que me reconciliara cos airpods pro. A diferenza entre estas tecnoloxías e a forma que escoitaba antes a música é coma o salto do son “mono” a “estéreo”.

Software

Etrecheck

Esta aplicación realiza un chequeo completo do teu mac. É incrible como unha aplicación tan boa sexa tan pouco coñecida. E tan boa que debería ser a que empregasen por defecto no SAT de Apple. E a verisón gratuíta é suficientemente completa como para probala e seguila empregando regularmente.

Browserosaurus

Empregas varios navegadores de xeito habitual? Moléstache que sempre se abran as ligazóns co mesmo navegador? Pois toma nota: con esta app podes escoller en que navegadror se abrirá cada ligazón. Unha das miñas aplicacións de produtividade favoritas. E software libre.

Bitwarden

Aínda que confío moito en “keychain” para a creación e gardado de contrasinais, esta app so está dispoñible para Safari. E emprego varios navegadores. E volvo a empregar windows máis do o fixen en moitos anos (excel, en mac, é TERRIBLE). Empreguei moitas apps, algunhas delas comenteinas en podcast o ano pasado, e por fin, por recomendación de Amador, acabei probando Bitwarden. A mellor, con diferenza. Non boto nada de menos 1password. E tamén software libre.

Hardware

Magic Keyboard

O teclado do ipad converteuse nun imprescindible para min. Inicialmente porque está retroiluminado e permitíame “producir” mentres o/s neno/s durmían a sesta, pero é que… é o teclado co mellor tacto que probei ata agora. Sempre me gustou mo]ito o tacto do teclado de apple da xeración previa a 2016, pero este é incriblemente mellor. E teño probado uns cantos teclados, eh? Habitualmente no traballo uso o MX Keys de Logitech, que está xenial, pero non lle chega á comodidade deste teclado (no que escribo estas palabras).

O malo é que se trata dun trebello moi, moi pesado. O ipad con teclado pesa máis có macbook air. Con iso xa o digo todo.

Forno eléctro Cosori

Pois non ía ser todo tecnoloxía informática, eh? Mercamos este forno eléctrico para facer patacas fritas máis sanas (menos aceite) e resulta que agora cociñamos moitas máis cousas nese trebello. Croquetas (era obvio), pero tamén carnes, peixe, verduras… unha forma de cociñar rápida, máis saludable e mesmo económica, comparado co custe do forno tradicional que demanda máis potencia.

Gustoume que trouxera un libro de receitas. Aínda non fixen ningunha, pero está ben telas de man.

E agora, as brozas.

Homepod mini

Un asistente de voz que so funciona con wifi. Vai cagar, Apple, anda. En serio, na casa, co Apple TV, nin sequera podo subir e baixar o volume con normalidade. Terrible.

Evernote

Pagar o premium desta app foron os cartos peor invertidos do ano. Non fai nada mellor do que podo facer con notion ou apple notas.

E ti? Que descubriches este ano que che cambiou a vida (para ben)? Cóntame, ho!